ЗА НАС
КОИ СМЕ НИЕ?
Здружението на граѓани „АГОРА Центар за промовирање на граѓански вредности“ Скопје е доброволна, невладина, непартиска и непрофитна организација која работи на национално ниво во Македонија. Основана е во 2001 година со седиште во Скопје, а во 2015 година беше извршена пререгистрација со цел проширување на нејзината мисија и дејност.
Визијата на здружението е напредок на луѓето и заедниците заснован на родова еднаквост, економски просперитет и демократски принципи.
Неговата мисија е јакнење на капацитетите на сите општествени чинители и промовирање партиципативни и одржливи процеси кои ќе доведат до развој на заедниците.
Стратешки цели на Агора се:
- Принципот на родовата еднаквост е прифатен и практикуван на локално ниво,
- Подобрена клима за започнување на бизниси кај млади и жени,
- Ефективно, ефикасно, транспарентно и отчетно работење на општините,
- Просперитетни и економски развиени локални заедници,
- Агора е активна членка на релевантни национални и регионални меѓународни мрежи,
- Приходите во организацијата се обезбедуваат од повеќе различни донатори.
Своите цели здружението ги остварува преку утврдена Програма за работа, односно преку следните активности:
- Спроведување анализи и мониторинг на релевантните политики,
- Зајакнување на локалните чинители за активно учество во донесување одлуки,
- Застапување за донесување соодветни мерки и политики на локално ниво,
- Јакнење на свеста на сите засегнати страни и на јавноста,
- Зголемување на знаењето и вештините кај своите целни групи
- Вмрежување и поврзување на чинителите, вклучително соработка со други организации и институции,
- Подготовка на проектни апликации со цел обезбедување доволно фондови за остварување на планираните цели.
НАШИОТ ТИМ

Kристина Хаџи-Василева е основачка и претседателка на Агора. Таа има над 20 години професионално искуство во развојниот и граѓанскиот сектор, работејќи со македонски граѓански организации и водечки меѓународни организации и иницијативи како USAID, EAR, OSCE и SDC. Нејзината експертиза е насочена кон родова еднаквост, реформи во локалната самоуправа и процесот на децентрализација, како и поттикнување на локалниот економски развој и градење активно граѓанско општество. Кристина е дипломиран филолог по македонски и турски јазик, а нејзината академска експертиза е продлабочена со магистратура по родови и етнички студии на реномираниот Универзитет „Гринич” во Лондон. Страсна застапничка за инклузивни политики, Хаџи-Василева е движечка сила зад проекти кои оставаат трајно обележје.

Анета Илиевска е експерт за финансии и администрација со над 25 години професионално искуство во граѓанскиот и приватниот сектор. Во текот на својата кариера работела како финансиски аналитичар, координатор и раководител на бројни проекти финансирани од различни странски донатори. Дополнително, своето знаење и искуство го има користено и како финансиски консултант, со акцент на развој на ефективни финансиски политики и процедури, дизајнирање и имплементација на буџетски механизми, проекција на буџети и нивно мониторирање, финансиско управување со грантови, подготовка на финансиски извештаи и анализи, супервизија на финансискиот и административниот персонал, како и други административни работи.
Анета е магистер по теорија на математика од Универзитетот „Св. Кирил и Методиј“ во Скопје, комбинирајќи аналитичка прецизност со длабоко разбирање на финансиските процеси.

Росица Тошевска e раководителка на програма со над 15 години искуство во јавниот, приватниот и невладиниот сектор. Таа носи богато знаење и експертиза во управување со донаторски иницијативи насочени кон економски развој, социјално претприемништво, родова еднаквост, образование и добро управување. Има значајно искуство во подготовка на проектни предлози, управување со грантови, организирање и спроведување на активности за градење капацитети, подготовка на извештаи, односи со јавност. Високо ценета за нејзината тимска соработка, креативност и лидерски способности, Росица успешно ги комбинира аналитичките вештини со ефективна комуникација со цел постигнување резултати со значајно влијание. Нејзината посветеност кон квалитет и инклузивен развој ја прави незаменлив дел од тимот на Агора.

Елена Тимчева е координаторка за програма и комуникации со над 6 години искуство во спроведување проекти за развој на локалните заедници. Таа активно учествува во организирање и управување со проектни активности, обезбедувајќи нивна ефикасна реализација во согласност со поставените цели и временски рамки.
Покрај програмските задачи, Елена е одговорна за развивање и имплементација на комуникациски стратегии, медиумска промоција, креирање содржини за веб-страници и социјални медиуми, како и брендирање и визуелна идентификација на проектите. Ценета по нејзината ефикасност и проактивен пристап, Елена успешно ги решава предизвиците кои произлегуваат од секојдневното работење, придонесувајќи кон непречено функционирање и постигнување на резултати. Нејзината мотивираност и професионализам ја прават важен дел од тимот на организацијата.
